" პროექტებით სწავლება"
დღეს დაიწყო ტრენინგი "პროექტებით სწავლება", რომლის ერთ-ერთი მთავარი მიზანია უფრო ეფექტურად გამოვიყენოთ სწავლების პროცესში კომპიუტერული ტექნოლოგიები.
ტრენინგს უძღვება მასწავლებელთა სახლის ისტ-ის ტრეინერი ქალბატონი შორენა ბადურაშვილი.თითოეული მეცადინეობა მოიცავს 4 ასტრონომიულ საათს და გაგრძელდება 9 დღეს.
ტრეინერმა წარადგინა საკუთარი თავი, ასევე მოხდა მონაწილე მასწავლებლების ურთიერთგაცნობა.
თავდაპირველად ტრეინერმა მიმოიხილა ინტელის ძირითადი კურსის მიზნები და ამოცანები, გვესაუბრა რვავე მოდულის შესახებ.
დეტალურად გავიარეთ პირველი მოდულის 3 აქტივობა.
ტრეინერმა მიმოიხილა პირველი მოდულის "პროექტებით სწავლება" თემა და დაგეგმილი აქტივობები.მოკლე ლექციებს თან სდევდა პრაქტიკული სამუშაოები, როგორიცაა პორტფოლიოს საქაღალდეს შექმნა, საქაღალდეში სხვადასხვა მასალების(პორტფოლიოს ჩეკლისტი, პროექტის გეგმის შაბლონი, პორტფოლიოს ჩეკლისტი ) შენახვა.გავეცანით რესურსების ჩამონათვალს, პროექტის დაგეგმვის, შეფასების, სხვადასხვა აქტივობების ნიმუშებს, ფაილების გაგზავნას და შენახვას ინტერნეტით, ინდივიდუალურ კომპიუტერულ სცენარებს და სხვა.
ტრენინგის ბოლოს დავრეგისტრირდით ბლოგზე, სადაც ავტვირთეთ დღევანდელი დღის სწავლების შესახებ მოკლე ინფორმაცია.
Комментариев нет:
Отправить комментарий